ەندى بالالار ۇشاقتا قازاقستان بويىنشا تەگىن ۇشادى

ەل بويىنشا تۋرپاكەت اياسىندا بالالارعا ارنالعان ۇشاق رەيستەرى تەگىن بولدى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى، دەپ جازدى turkystan.kz.

بيىلعى 1 قاڭتاردان باستاپ مادەنيەت جانە سپورت ءمينيسترىنىڭ «قازاقستان رەسپۋبليكاسىنىڭ اۋماعىندا كامەلەتكە تولماعان جولاۋشىلاردى اۋە ارقىلى تاسىمالداۋ كەزىندە تۋريستىك ونىمگە ەنگىزىلگەن بيلەتتىڭ قۇنىن سۋبسيديالاۋ قاعيدالارىن بەكىتۋ تۋرالى» بۇيرىعى كۇشىنە ەندى.

«ەرەجەدە ىشكى تۋريزم سالاسىنداعى قىزمەتتى جۇزەگە اسىراتىن تۋروپەراتوردان ساتىپ الىنعان تۋريستىك ءونىمنىڭ قۇرامىندا كامەلەتكە تولماعان جولاۋشىعا اۆيابيلەتتەردى سۋبسيديالاۋ تۋرالى ايتىلعان. بۇل شارا 17 جاسقا دەيىنگى قازاقستاندىقتار جانە قازاقستان رەسپۋبليكاسىندا تۇراقتى تۇرۋعا رۇقساتى بار جولاۋشىلارعا قولجەتىمدى. سونداي-اق، بۇل سۋبسيديا ەلدىڭ بارلىق اۋماعىندا تاراتىلادى»، – دەلىنگەن حابارلامادا.

اتالعان مينيسترلىكتىڭ اقپاراتى بويىنشا، قازىر ىشكى تۋريزم سالاسىنداعى تۋروپەراتورلاردان سۋبسيديا الۋعا ازىرگە وتىنىمدەر تۇسكەن جوق.

ۇقساس جاڭالىقتار

Back to top button