تالدىقورعان تۇرعىنىن ىستىق ۇتىكپەن كۇيدىرگەن پوليتسەيلەر جاۋاپقا تارتىلۋى مۇمكىن

الەۋمەتتىك جەلىدە تالدىقورعاندا وتكەن نارازىلىق اكتسياسىنا قاتىسقان ازامات باتىرباەۆتى قۇقىق قورعاۋشىلار قىزدىرىلعان ۇتىكپەن ازاپتاعانى جايلى حابار تارادى، دەپ جازدى turkystan.kz.

كەيبىر دەرەككوزدەردە ازامات باتىرباەۆتىڭ تەرگەۋ يزولياتورىندا ءبىر اپتادان بەرى قاماۋدا وتىرعانى ايتىلعان. وسى وقيعاعا بايلانىستى باس پروكۋراتۋرا مالىمدەمە جاسادى.

«اتالعان تۇلعا تالدىقورعان قالاسىندا بولعان تارتىپسىزدىكتەر كەزىندە قۇقىق قورعاۋ ورگاندارى قىزمەتكەرلەرىنە شابۋىل جاساعانى ءۇشىن 2022 جىلدىڭ 22 قاڭتارىندا ۇستالعانىن حابارلايمىز»، – دەدى باس پروكۋراتۋراداعىلار.

بيىلعى 23 قاڭتاردا جاۋاپ الۋ كەزىندە 5 بالانىڭ اكەسى 10 قاڭتار كۇنى ىشكى ىستەر ورگاندارىنىڭ قىزمەتكەرلەرى ءوزىن ازاپتاعانى جايلى ايتىپ بەرگەن.

«ا. باتىرباەۆتىڭ بۇل ارىزىنىڭ نەگىزىندە الماتى وبلىسىنىڭ سىبايلاس جەمقورلىققا قارسى قىزمەتىمەن ازاپتاۋ فاكتىسى بويىنشا قىلمىستىق ءىس قوزعالعان. قازىرگى ۋاقىتتا تەرگەۋ امالدارى جۇرگىزىلۋدە» دەپ جازىلعان  باس پروكۋراتۋرانىڭ ءباسپاسوز قىزمەتى تاراتقان حابارلامادا.

ۇقساس جاڭالىقتار

Back to top button