«Қаныш Ізбастин «ҚазАгроҚаржы» директорлар кеңесінің төрағасы болған. Шешім 2022 жылы 26 қаңтарда қабылданды. Енгізілген өзгерістен кейін акционерлік қоғамның директорлар кеңесі бес адамнан тұрады. Олар – А.К.Жуанышбаева, А.Е.Мырзағалиева, С.Н.Мәдиев, Р.С.Оразбаев және А.Г.Прашев», - делінген хабарламада.Бұған дейін Қаныш Ізбастин қоғамдық қызметке ауысуына байланысты өз еркімен «Бәйтерек» ұлттық басқарушы холдингі» АҚ басқарма төрағасының бірінші орынбасары қызметінен кеткен болатын. Қаныш Ізбастиннің еңбек жолы: 2007-2008 жылдары «ҚДБ-Лизинг» АҚ басқарма төрағасының бірінші орынбасары, кейін осы акционерлік қоғамның басқарма төрағасы. 2012 жылы – «КазЭкспортГарант» экспорттық-кредиттік сақтандыру корпорациясы» АҚ басқарма төрағасы. 2013-2015 жылдары – «Самұрық-Қазына» Ұлттық әл-ауқат қоры» АҚ басқарушы директоры. 2015 жылдың қыркүйегінен 2021 жылдың наурызына дейін «ҚазАгроҚаржы» АҚ басқарма төрағасы. Айта кетсек, Қаныш Ізбастин – Қазақстан Президенті Қасым-Жомарт Тоқаевтың жиені. Оның анасы Қарлыға Ізбастина – Мемлекет басшысының туған қарындасы.
Қаныш Ізбастин тағы бір лауазымынан айырылды
Қаныш Ізбастин тағы бір лауазымынан айырылды
«ҚазАгроҚаржы» АҚ жалғыз акционері – Қаныш Ізбастинді директорлар кеңесі құрамынан шығарды, деп жазды turkystan.kz Қазақстан қор биржасына сілтеме жасап.