Күні кеше мемлекеттік Қызмет істері агенттігі төрағасының орынбасары қызметіне Айнұр Серғазиева тағайындалған болатын. Содан бері жұртшылықтың «ең сұлу шенеунік» атанып кеткен орынбасарға деген қызығушылығы артты, деп жазды turkystan.kz.
Әлеуметтік желі қолданушылары Instagram парақшасын шолып, жас шенеуніктің бұл қызметке қалай тағайындалғаны туралы сауалдар қоя бастады. Бүгін Айнұр Серғазиева сол көп сұрақтардың бірқатарына төмендегідей жауап берді:
«Менің тағайындалғаным туралы кешегі жаңалық жұртшылықты толғандырды. Көптеген өсектер мен сындар айтылып жатыр. Мен қоғамда аса танымал болмағандықтан, барлығы қалай бар, солай айтайын:
«Бұл қызметке қалай келдіңіз?». ҰАТ-та Президенттік резервшілер ҚР мемлекеттік Қызмет істері агенттігінің цифрлық төраға орынбасарын іздеп жатқанын және оларды сұхбатқа шақырғанын айтты. Бірақ олар бас тартып, бірнеше адамды, соның ішінде мені де ұсынған. Мені мемлекеттік Қызмет істері агенттігі сұхбатқа шақырған кезде ұсыныстар мен мәселелерді шешу жолдарын дайындадым. Осыдан кейін оны ҚР Президентінің әкімшілігінде болған сұхбатымда айттым. Тағайындауға үш күн қалғанда мен негізгі үміткер екенімді білдім.
Менің байлығым мен ауқатты туыстарым туралы сөз - жай ғана қауесет. Пәтерім ипотекаға алынған, ата-анам - Оралда, зейнеткер. Сөмкелерімді сауда орталықтарынан алғанмын. Ал Tiffany зергерлік бұйымдарым күмістен жасалған. Шенеунік қызметінде бұрын-соңды болмағанмын. Күйеуім, балаларым жоқ. Қуанышыма орай, өз жалақымды өзіме жұмсаймын.
Ал мемлекеттік қызметке не үшін келдіңіздер деп сұрап жатқандарға: Елімізде жақсы жаққа қарай үлкен өзгерістер болуы мүмкін екенін көремін. Ал өскелең ұрпақтың өкілі ретінде дамуға үлес қосқым келеді», - деп түсіндірді Айнұр Серғазиева.
Агенттік төрағасының су жаңа орынбасары өз оқырмандарына жасаған ұсыныстары туралы да айтты. Айтуынша, оның мақсаты – мемлекеттік қызметте меритократияға қол жеткізу.
«Ол үшін келесі міндеттерді шешуді жоспарлап отырмын: 1) Цифрландыру арқылы мемлекеттік қызметшілерді іріктеу/жұмысқа қабылдау/жұмыстан босату үдерісін ашық ету. 2) Мемлекеттік кірістер қызметі көрсететін мемлекеттік қызметтердің сапасын бағалау саласындағы уәкілетті орган болып табылатындықтан, мемлекеттік органдарға ақпарат бере отырып, мемлекеттік қызмет көрсетудің сапасы бойынша кері байланыс жинау процесін цифрландыру (клиенттік бағдарлау) қызметтер. 3) Мемлекеттік қызметтің ашықтығы мен мөлдірлігіне қол жеткізу үшін цифрландыру жүйесінде мемлекеттік қызметшілердің біліктілігін арттыру» деп жазды Айнұр Серғазиева.
Сондай-ақ ол ашық диалогқа дайын екенін алға тартты.
