JañalıqtarQoğam

QAZAQ AIR Astana-Semey äue reysin aşadı

Qısqı navigaciyağa ötu qarsañında QAZAQ AIR äuekompaniyası 2016 jıldıñ 1 jeltoqsanınan bastap, jaña Astana–Semey bağıtı boyınşa twraqtı reysterdi orındaytının mälim etedi. Bwl turalı äuekompaniyanıñ resmi saytında jariyalandı. 

Elorda men Şığıs Qazaqstannıñ iri qalasın özara baylanıstıratın tikeley bağdar zamanaui Bombardier Q400 NextGen äuelaynerimen seysenbi jäne beysenbi künderi orındaladı. Astanadan Semeyge jetkizetin bir jaqtı bilettiñ qwnı, jolauşı men äuejay terimderin qosa eseptegende, 16916 teñgeden bastalıp, jol uaqıtı 1 sağat 25 minuttı qwraydı.

«Üstimizdegi jıldıñ mamır ayınan bastap Almatıdan Şığıs Qazaqstannıñ iri qalalarınıñ biri – Semeyge orındala bastağan reyster, endi Semeyden Astanağa deyin ärmen qaray wşadı. Bwl bağdar jwmıs babımen nemese demalısqa asığıs bolğan Semey twrğındarı men qonaqtarın elordamızğa tez äri qolaylı jetkizip, onımen qosa tüyispeli Astanalıq äuejayı arqılı işki jäne şeteldik sapardı jasauğa mümkindik beredi», – dep ayta ketti «QAZAQ AIR» AQ kommerciyalıq direktorı Adel' Dauletbek.

Atalmış reystermen qatar, biılğı jıldıñ 1 jeltoqsanda QAZAQ AIR kompaniyası elimizdiñ batıs öñirindegi Atırau men Oral, Aktau qalaların da baylanıstıratıra bastaytının ayta ketken jön. 

Back to top button