جاڭالىقتارقوعام

QAZAQ AIR استانا-سەمەي اۋە رەيسىن اشادى

قىسقى ناۆيگاتسياعا ءوتۋ قارساڭىندا QAZAQ AIR اۋەكومپانياسى 2016 جىلدىڭ 1 جەلتوقسانىنان باستاپ، جاڭا استانا–سەمەي باعىتى بويىنشا تۇراقتى رەيستەردى ورىندايتىنىن ءمالىم ەتەدى. بۇل تۋرالى اۋەكومپانيانىڭ رەسمي سايتىندا جاريالاندى. 

ەلوردا مەن شىعىس قازاقستاننىڭ ءىرى قالاسىن ءوزارا بايلانىستىراتىن تىكەلەي باعدار زاماناۋي Bombardier Q400 NextGen اۋەلاينەرىمەن سەيسەنبى جانە بەيسەنبى كۇندەرى ورىندالادى. استانادان سەمەيگە جەتكىزەتىن ءبىر جاقتى بيلەتتىڭ قۇنى، جولاۋشى مەن اۋەجاي تەرىمدەرىن قوسا ەسەپتەگەندە، 16916 تەڭگەدەن باستالىپ، جول ۋاقىتى 1 ساعات 25 مينۋتتى قۇرايدى.

«ۇستىمىزدەگى جىلدىڭ مامىر ايىنان باستاپ الماتىدان شىعىس قازاقستاننىڭ ءىرى قالالارىنىڭ ءبىرى – سەمەيگە ورىندالا باستاعان رەيستەر، ەندى سەمەيدەن استاناعا دەيىن ارمەن قاراي ۇشادى. بۇل باعدار جۇمىس بابىمەن نەمەسە دەمالىسقا اسىعىس بولعان سەمەي تۇرعىندارى مەن قوناقتارىن ەلوردامىزعا تەز ءارى قولايلى جەتكىزىپ، ونىمەن قوسا تۇيىسپەلى استانالىق اۋەجايى ارقىلى ىشكى جانە شەتەلدىك ساپاردى جاساۋعا مۇمكىندىك بەرەدى»، – دەپ ايتا كەتتى «QAZAQ AIR» اق كوممەرتسيالىق ديرەكتورى ادەل داۋلەتبەك.

اتالمىش رەيستەرمەن قاتار، بيىلعى جىلدىڭ 1 جەلتوقساندا QAZAQ AIR كومپانياسى ەلىمىزدىڭ باتىس وڭىرىندەگى اتىراۋ مەن ورال، اكتاۋ قالالارىن دا بايلانىستىراتىرا باستايتىنىن ايتا كەتكەن ءجون. 

Back to top button