پرەزيدەنت ساعىنتاەۆقا قاتىستى پىكىر ءبىلدىردى

مەملەكەت باسشىسى قاسىم-جومارت توقاەۆ الماتىداعى تارتىپسىزدىكتەن كەيىن قالا اكىمى باقىتجان ساعىنتاەۆتى اۋىستىرۋعا قاتىستى پىكىر ءبىلدىردى، دەپ حابارلادى turkystan.kz.

«ءسىز اكىمنىڭ قالعانىن قالايسىز با؟ الدە اۋىستىرعان ءجون بە؟ الماتى قالاسىنىڭ اكىمىنە كەلسەك، العاش رەت كۇتپەگەن، قيىن جاعدايعا تاپ بولعان سەكىلدى. توتەنشە جاعداي كۇندە بولىپ جاتقان جوق، سوندىقتان ءوز باسىم اكىمگە كىنا ارتپاس ەدىم. نەگىزى، ول – ادال كىسى. ءبىر جاعىنان، الماتىلىقتاردىڭ كۇتپەگەن ساتتەگى كوڭىل-كۇيىن دە تۇسىنەمىن. ۋاقىت كەلگەندە، بىلەتىن بولاسىزدار»، – دەدى توقاەۆ تەلەارناعا بەرگەن سۇحباتىندا.

پرەزيدەنت ينتەرنەتتە جاريالانعان پەتيتسيا تۋرالى بىلەتىنىن دە ايتتى. سونداي-اق ول قالانى «الماتى» ەمەس، «الما-اتا» دەپ اتاۋعا قاتىستى ءوز ويىن ايتتى.

«ەندى، قازىر بارلىق قۇجاتتى اۋىستىرىپ قايتەمىز؟ ءتيىستى شەشىمدەر قابىلداۋ كەرەك. «الماتى» دەگەن اتاۋ قازاق ءتىلدى ادامدارعا جاقىن. ال ورىس تىلدىلەرگە «الما-اتا» دەپ ايتقان جەڭىل. بىلاي كەلىسەيىك، رەسمي تۇردە «الماتى» اتاۋى قالا بەرسىن، ال قالا تۇرعىندارى مەن ونى جاقسى كورەتىندەر قالاي اتاسا دا ءوز ەركى»، – دەپ اتاپ ءوتتى پرەزيدەنت.

ۇقساس جاڭالىقتار

Back to top button