Құлыбаев «Газпром» директорлар кеңесіне қайтадан үміткер болды

Тимур Құлыбаев ресейлік «Газпром» директорлар кеңесіне қайта сайлануы мүмкін. Ол үш тәуелсіз директорлардың қатарында осы лауазымға үміткерлер тізіміне енді, деп жазды turkystan.kz. Айта кетсек, ол Алматы трагедиясынан кейін «Атамекен» ҰКП-ның басшысы қызметінен кеткен болатын. Бірақ Kazenergy қауымдастығының төрағасы лауазымын сақтап қалды. Енді Kazenergy басшысы ретінде «Газпром» директорлар кеңесіне кандидаттар тізімінде тұр. Жалпы, Тимур Құлыбаев алғаш рет «Газпром» директорлар кеңесіне 2011 жылы кірген.