Үйіне әскерилердің қаруын жасырған адам ұсталды

Қызылорда қаласында 5 қаңтар күні болған жаппай тәртіпсіздік кезінде қолды болған әскери қызметкерлерге тиесілі қару табылды, деп хабарлады turkystan.kz  облыстық Полиция басқармасының баспасөз қызметіне сілтеме жасап. Тергеу барысында жоғарыда аталған оқиғаға қатысы бар күдіктінің үйінен әскери қызметшілерге тиесілі 1 дана АК-74 және 1 дана ГП-25 қаруы табылып, қылмыстық іске заттай дәлелдеме ретінде тіркелді. Қазір Қылмыстық кодекстің бірнеше бабы бойынша сотқа дейінгі тергеп-тексеру амалдары жүргізілуде. Күдікті уақытша ұстау абақтысына жабылды.