Семейде аюлар ұйықтай алмай жүр (ВИДЕО)

Биыл аюлар ұйықтай алмай жүр, деп хабарлады turkystan.kz «Астана» телеарнасына сілтеме жасап. Семейде биыл аяз да, қалың қар да жоқ. Соның салдарынан, қаладағы биологиялық бақтағы аюлар ұйықтай алмай жүр. Мамандардың айтуынша, жылда қарашаның аяғында ұйқыға кететін жануар ақпанда бір-ақ оянатын. Ал биыл қыс жылы болғандықтан аюлардың қашан ұйықтайтыны белгісіз болып тұр дейді орталық қызметкерлері. Олар Зита мен Боря атты қонжықтарға күнделікті тамақ беріп, күтіп-баптауда. Сүйкімді қонжықтар ботқа, ет пен көкөніс жейтін көрінеді.