__باستى سلايدەرجاڭالىقتار

جۋرناليست اقشا بوپسالادى دەگەن كۇدىكپەن ۇستالدى

سىبايلاسقان جەمقورلىققا قارسى تۇرۋ جونىندەگى ۇلتتىق بيۋرونىڭ حابارلاۋىنشا، Central Asia Monitor گازەتىنىڭ باس رەداكتورى جانە Radiotochka.kz قوجايىنى بيگەلدى عابدۋللين اقشا بوپسالادى دەگەن كۇدىكپەن ۇستالدى. حابارلارعا قاراعاندا، عابدۋللين قازىر استاناداعى تەرگەۋ اباقتىسىندا وتىر.

سىبايلاسقان جەمقورلىققا قارسى كۇرەس قىزمەتىنىڭ نۇسقاسى بويىنشا، 61 جاستاعى عابدۋللين مەملەكەتتىك ورگانداردىڭ باسشىلارىنا قاتىستى اقپاراتتىق شابۋىل جاساپ، ولاردىڭ ىسكەرلىك بەدەلىنە نۇقسان كەلەتىن تەرىس ماتەريالدار جاريالاپ، شەنەۋنىكتەردى سىناۋدى دوعارۋ ءۇشىن قىزمەتتىك تۇلعالاردان ءوزىنىڭ مەديارەسۋرستارىنا مەملەكەتتىك تاپسىرىستار الىپ وتىرعان.

بيگەلدى عابدۋللين 1980-جىلدارى قازاقستاندىق گازەتتەردىڭ رەداكتسيالارىندا ىستەدى، ال 1990-جىلداردىڭ ەكىنشى جارتىسىندا وپپوزيتسيالىق «XXI ۆەك» گازەتىنىڭ باس رەداكتورى بولدى. قۋدالاۋلاردان كەيىن ول قازاقستاننان اقش-قا كەتىپ قالدى. ساياسي ەميگراتسيادان عابدۋللين 2004 جىلى ورالدى، ول ءۇشىن قازاقستان پرەزيدەنتى نۇرسۇلتان نازارباەۆتان كەشىرىم سۇرادى.

قازاقستانعا كەلگەن سوڭ عابدۋللين Central Asia Monitor گازەتىن شىعاردى، «استانا» تەلەارناسىندا قوعامدىق-ساياسي باعدارلاما جۇرگىزدى. 2013 جىلى عابدۋللين Radiotochka.kz مۋلتيمەديالىق پورتالىن قۇردى. عابدۋللين -كاسىبي جازۋشىلار، اقىندار جانە جۋرناليستەردىڭ قازاق پەن-كلۋبىنىڭ پرەزيدەنتى.

Back to top button