__باستى سلايدەرجاڭالىقتار

3 سپورتشى وليمپيادا مەدالىن قايتارادى

حالىقارالىق وليمپيادا كوميتەتى قازاقستاندىق ءۇش سپورتشىنى دوپينگ ءۇشىن بەيجىڭ وليمپياداسىنىڭ مەدالدارىنان ايىردى،- دەپ حابارلايدى egemen.kz قازاقستاننىڭ ۇلتتىق وليمپيادا كوميتەتىنىڭ رەسمي سايتىنا سىلتەمە جاساپ.

مەدالداردان قازاقستاندىق ەكى اۋىراتلەت پەن ەركىن كۇرەستەن ءبىر پالۋان قاعىلىپ وتىر. ولار كۇمىس جۇلدەگەر يرينا نەكراسوۆا، قولا جۇلدەگەر ماريا گرابوۆەتسكايا جانە قولا جۇلدەگەر اسەت مامبەتوۆ. سپورتشىلاردىڭ ناتيجەلەرى جويىلدى. تاياۋ ارادا ولار ماراپاتتاردى قايتارۋى ءتيىس. ال ولاردىڭ سپورتتان قاشان شەتتەتىلەتىنى تۋرالى شەشىم كەيىن قابىلدانادى. قازىرگى ۋاقىتتا سپورتشىلار جارىستاردان شەتتەتىلدى.

حوك تارتىپتىك كوميسسياسى اۋىراتلەتتەر ۆلاديمير سەدوۆتى، مايا مانەزانى جانە الماس وتەشوۆتى ديسكۆاليفيكاتسيالاعان. الايدا قانشا ۋاقىتقا شەتتەتكەنى ازىرشە ايتىلماي وتىر.

ال وسىعان دەيىن حوك قازاقستاندىق ءۇش اۋىراتلەتتى 2012 جىلعى وليمپيادانىڭ التىن مەدالدارىنان ايىرعان بولاتىن. ولار مايا مانەزا، ءزۇلفيا چينشانلو جانە سۆەتلانا پودوبەدوۆا. ازىرشە يليا ءيليننىڭ ماسەلەسى شەشىلگەن جوق. قازاقستاندىق اۋىراتلەت 2008 جانە 2012 جىلعى وليمپيادالاردا التىن مەدال العان بولاتىن. بىراق ەكى وليمپيادا ويىندارىنداعى تاپسىرعان سىناماسىنان دوپينگ تابىلعان ەدى

Back to top button