Боралдай тауында бәйшешек гүлдей бастады

Түркістан облысындағы Боралдай тауында «қыстың шілдесі» – қаңтардың ортасында бәйшешек гүлдей бастады. Оны алғаш СырдарияТүркістан мемлекеттік өңірлік табиғи паркінің қызметкерлері байқаған, деп жазды turkystan.kz.

Көктемнің жаршысындай болған дала гүлінің бас қылтитуын Қазгидромет мамандары соңғы күндері жиі жаңбыр жауып, күндізгі ауа температурасының 14-15 градусқа дейін жылы болып тұруымен байланыстырған.

Жалпы, өңірде биыл қыс жылдағыдан да жылы. Қар жауғанымен, бірден еріп кетіп жатыр. Ал синоптиктер алдағы демалыс күндері облыстың таулы аймақтарында жауын-шашын болып, жаңбырдың арты қарға ұласуы мүмкін екенін ескертті. Қаңтардың 18-19-ында түнде аяз болатыны да болжанған.

Ұқсас жаңалықтар

Back to top button