Полицейлер көшеге шыққанның бәріне күш қолданып жатыр ма?

Полицейлер көшеге шыққанның бәріне күш қолданып жатыр ма?

Интернетте Атырау қаласында «Динамо» спорт залын митингіге қатысқандарды ұрып-соғатын жерге айналдырғаны туралы хабарлама таралып жатыр, деп хабарлады turkystan.kz stopfake. kz-ке сілтеме жасап. Құқық қорғау органдарының қызметкерлері соққыға жыққандардың арасында блогерлер, азаматтық белсенділер және қарапайым тұрғындар бар екен-міс. Атырау облысы комендатурасының мәліметінше, бұл ақпарат – фейк. «Атырау облысының комендатурасы әлеуметтік желілерде «Динамо» спорт кешенінде жаппай тәртіпсіздіктерге қатысқан азаматтарды ұрып-соғу туралы таратылған ақпарат шындыққа жанаспайды деп хабарлайды. Жақындарын немесе туыстарын жоғалтқан адамдардан 102 операторына немесе 98-10-04 нөмірі бойынша хабарласуларын сұраймыз», – деп хабарлады ведомствоның баспасөз қызметі. Атырау облысының Полиция департаменті тұрғындарға жалған ақпарат таратқаны үшін ҚР ҚК-нің 274-бабы бойынша жауапкершілік қарастырылғанын ескертеді.