Тәртіп сақшылары Қуат Хамитовты үйінен ұстап әкетті

Отандық БАҚ-та қазақстандық спортшы Қуат Хамитовты бүгін тәртіп сақшылары үйінде ұстағаны жайлы ақпарат тарады, деп хабарлады turkystan.kz. Оның Алматыдағы ҰҚКД-да екені белгілі болған. «Найман» лақап атымен танымал спортшы Алматыда өткен митингіге қатысқан. Кейін оның митинг кезінде халықты сабырға шақырған сәті түсірілген видео интернетте тарады. Айта кетейік, Хамитовтың инстаграмдағы соңғы екі видеосы бір апта бұрын жарияланған.