Тәртіпсіздік салдарынан бизнеске келген шығын 92 млрд теңгеден асты

Еліміздегі жаппай тәртіпсіздіктер салдарынан бизнеске келтірілген шығын көлемі 92,3 млрд теңгеден асты, деп хабарлады turkystan.kz. «Атамекен» Кәсіпкерлер палатасының ақпараты бойынша, сауда саласында – 1122; қоғамдық тамақтандыру саласында – 17; қаржы секторында – 31, логистика саласында 8 нысан зардап шеккен.

«9 қаңтар, сағат 09.00-дегі жағдай бойынша, сall-орталыққа 2320 қоңырау келіп түсті. Оның ішінде: тонау мәселелері бойынша – 1127, форс-мажор бойынша – 26, блок-бекеттер бойынша – 2, жеке тұлғалардың қоңыраулары бойынша – 1052 өтініш берілді. Еліміздің 10 өңірінде 1351 объектіде орналасқан 1181 бизнес нысаны зардап шеккен. Оның ішінде, Алматыда – 1091 объектіде орналасқан 935 субъект бар. Залалдың жалпы сомасы, шамалап есептеулер бойынша, 92,3 млрд теңгеден асты. Алматыдағы шығын 90,7 млрд теңге көлемінде», - делінген хабарламада.