Ақтауда кедергіге тап болған Қайрат Нұртас өз пікірін айтты

Маңғыстау облысында жолдарды жауып тастаған көпшілік Қайрат Нұртас отырған автокөлікті өткізбей қойған еді. Ал бүгін әншінің өзі Instagram-дағы парақшасына наразылыққа шыққан ақтаулықтарды қолдайтынын жазды, деп хабарлады turkystan.kz.

Айта кетсек, ол 3 қаңтарда Rixos Aktau-да өткен концерттен видео жариялаған болатын. Енді міне, содан кейінгі видеосынан соң, дереу Маңғыстау облысында газ бағасының қымбаттауына байланысты наразылыққа шыққан тұрғындарды жақтай қойды.

Тағы оқи отырыңыз: Ашынған ақтаулықтар Қайрат Нұртасты қалаға кіргізбей қойды (ВИДЕО)

«Халық – Алланың бір аты. Қазақ халқы өте сабырлы, төзімді, себепсіз көтерілетін халық емес. Дәл қазіргі жағдайда мен Батыстағы ағайынды қолдаймын. Себебі, халықтың арасында жүргендіктен, Қайрат Нұртас болып қалыптасуымның себепкері – халықтың мұң-мұқтажын жеткізуге хақым бар. Халықтың тұрмыстық жағдайы төмендеп кетті. Еш өзгеріссіз тұрған айлыққа қарамастан, азық-түліктен бастап барлығы қымбат. Халық бар болғаны уайым-қайғысыз өмірді қалайды. Үкімет басшыларынан халық Алланың аманаты екенін ұмытпауын сұраймын! Президент Қасым-Жомарт Кемелұлы тез арада оң шешімін шығарады деп үміттенемін. Еліміз тыныш, жұртымыз аман болсын!» деп жазды әнші.

 

Посмотреть эту публикацию в Instagram

 

Публикация от Кайрат Нуртас (@kair_n)

Ұқсас жаңалықтар

Back to top button