Павлодарда спорт кешенін салуға бөлінген 60 млн теңге қолды болды

Павлодар қаласында «Сарыарқа» тұрғын үй кешенінің сыртқы желілерін салу және үйлерін абаттандыру, сондай-ақ Ленинский кентінде дене шынықтыру-сауықтыру кешенін салу кезінде ақша қаражатының қолды болғаны анықталды, деп хабарлады turkystan.kz.

Қаржылық мониторинг агенттігі Павлодар облысы бойынша аумақтық департаментінің хабарлауынша, сотталған А.Ахметов бюджет қаражатын жымқыру мақсатында 2016-2017 жылдары «АзияСпецСтрой» ЖШС, «Ман-Қожа» ЖШС және «Репер-СК» ЖШС сатып алып, оларды жалған тұлғаларға тіркеген, кейіннен аталған кәсіпорындар атынан мемлекеттік сатып алуды өткізуге қатысқан.

«А.Ахметов А.Бекеевпен, К.Күлтұмановпен, О.Сағынаевпен және М.Ғаббасовпен алдын-ала сөз байласу бойынша мемлекеттік сатып алу туралы шарттар бойынша орындалған жұмыстардың іс жүзінде орындалмаған актілеріне қол қойды, осылайша мемлекетке жалпы сомасы 59 миллион теңгеден астам залал келтірілді», – делінген агенттік таратқан ақпаратта.

А.Ахметов 8 жылға бас бостандығынан айырылды, А.Бекеев 3 жылға, К. Күлтұманов, О.Сағынаев және М.Ғаббасов 2 жылдан 3 жылға дейін бас бостандығын шектеу жазасына тартылды.

Ұқсас жаңалықтар

Back to top button