Сирияда ойнап жүрген бес бала мина басып кетті

Сирияның Африн ауылында мина жарылып, бес бала ауыр жарақат алды, деп хабарлады turkystan.kz. Зардап шеккендер аудандағы дала ауруханаларына жеткізілген. Сирияның адам құқықтарын бақылау орталығы (SOHR) халықаралық ұйымдарды елдегі жарылмаған оқ-дәрілерді жою бойынша жұмыстарды күшейтуге шақырды. «Укринформ» агенттігінің хабарлауынша, 2021 жылы Сириядағы қақтығыс салдарынан 3746 адам қаза тапқан. Оның 360-ы - балалар. Айта кетейік, 2011 жылдан бері Сириядағы 21 миллион халықтың 13 миллионы үйлерін тастап кеткен. Оның 7 миллионға жуығы елден көшкен. Қазір 3,7 миллион сириялық Түркияда, қалғаны Ливия, Иордания, Ирак және Еуропа елдерінде тұрады.