Павлодар облысында оқушылар мінген көлік өртеніп кетті

Павлодар ауданының трассасында ГАЗель автокөлігі жанып кетті, деп хабарлады turkystan.kz Павлодар облыстық Төтенше жағдайлар департаментінің баспасөз қызметіне сілтеме жасап.

– Бүгін, яғни 23 желтоқсан күні Павлодар ауданына қарасты Ефремовка және Даниловка ауылдары арасындағы тас жолда 2007 жылы шығарылған ГАЗель автокөлігі жанып кетті. Өрт 8 шаршы метр алаңды қамтыған, – деп жазылған баспасөз хабарламасында.

Тілсіз жау орын алған жерге өрт сөндірушілер келгенге дейін жүргізуші мен автокөлікте болған мектептің 6  оқушысы өздігімен эвакуацияланды.

– Өрттің шығуына электр сымдарының қысқа тұйықталуы себеп болған. Оқыс оқиғадан зардап шеккендер жоқ, – делінген хабарламада.

Ұқсас жаңалықтар

Back to top button