Денис Тен Парижде өткен Гран-приде екінші орын алды

Денис Тен Парижде өткен Гран-приде екінші орын алды

Денис Тен Парижде өткен Гран-приде екінші орын алды
ашық дереккөзі
Қазақстандық мәнерлеп сырғанаушы Денис Тен Париждегі Гран-приде екінші орын алды. Сочи Олимпиадасының қола жүлдегері жеңіске бір табан жетпей қалды. Екі дүркін әлем чемпионы, испаниялық Хавьер Фернандес бірінші орынға лайық деп танылды, - деп хабарлайды Vesti.kz. Қысқа әрі еркін бағдарламалардың қорытындысы бойынша қазақстандық мәнерлеп сырғанаушы 269,26 балл жинады. Жеңімпаздың нәтижесі 285,38 балл болды. Үшінші орынды АҚШ спортшысы Адам Риппон алды - 267.53 балл. Еске салайық, Денис Тен (Алматы, маусымның 13, 1993 жыл) - қазақстандық мәнерлеп сырғанаушы. 2014 жылы мәнерлеп сырғанаудан Сочи олимпиадасының қола жүлдегері,255,10 ұпаймен қола медальға ие болды Ол мәнерлеп сырғанаудан 2013 жылғы әлем чемпионатының күміс медаль жүлдегері [1], VІІ қысқы Азия ойындарында мәнерлеп сырғанаудан чемпион, Қазақстанның үш дүркін чемпионы. Қазақстан Республикасының халықаралық дәрежедегі спорт шебері . Ванкувердегі олимпиадада Денис Тен өз деңгейінде өнер көрсетіп 76.34 ұпаймен 10 орынға жайғасты. Ересектер арасындағы әлем біріншілігінде – 8-орын (сәуір, 2009 ж), 9-орын «Төрт құрлық біріншілігі» (ақпан 2009 жыл.), ал 2013 жылы — әлем чемпионатының күміс жүлдегері, жасөспірімдер арасындағы әлем біріншілігінде 4-орын (наурыз 2009 ж), жасөспірімдер арасында «Гран При» сериясы бойынша өткен әлем кубогы кезеңінің 1 орын иегері (қазан 2008 ж.). Биылғы маусымда ересектер арасындағы «Гран-при» сынының қос кезеңіне қатысып, 7 және 10 орындарды иеленді. Әлемдік рейтингте 18-орында тұр. Ең жоғарғы ұпай көрсеткіші – 266,48 (2013 ересектер арасындағы ӘЧ). 2014 жылы Қысқы Олимпиада ойындарында қола медаль жеңіп алды.