اتىراۋلىق پوليتسەي اعاسىن ءولتىرىپ، اۋلاسىندا 3 اي ۇستاعان (ۆيدەو)

اتىراۋ وبلىسىندا زەينەتتەگى پوليتسەي تۋعان اعاسىن ءولتىرىپ، ءمايىتتى ءۇش اي بويى اۋلاسىندا جاسىرىپ كەلگەن، دەپ حابارلادى turkystan.kz.

قاندى وقيعا وبلىس ورتالىعىنان شالعايدا جاتقان يندەربور كەنتىندە بولعان. قىلمىس مارقۇمنىڭ ۇلى اكەسىنە ىزدەۋ سالعان سوڭ عانا اشىلىپ وتىر. كورشىلەردىڭ ايتۋىنشا، اعايىندىلار ءوزارا اراق ءىشىپ، ارتى جانشالعا ۇلاسقان. ءىنىسى ءمايىتتى اۋلاسىنداعى قوقىس جينايتىن شۇڭقىرعا جاسىرعان كورىنەدى، دەلىنەدى استانا تەلەارناسىنىڭ جاڭالىعىندا.

«شوشىپ كەتتىك. “جەڭىس سولاي ەتتى مە؟” – دەپ. ونىڭ ۇيىنە كىرۋگە، ءتىپتى قورىقتىق. وسى جەردە 15 ماشينا تۇردى. اتىراۋدان كەلدى. ەكسپەرتتەر كەلدى. پروكۋرورلار كەلدى. ول سوندايعا بارادى دەپ ويلامايمىن.  بىراق ادام بارىپ تۇر عوي. اراق ىشكەندىكى بولعان شىعار سول. ءىشىپ ءجۇردى عوي. جۇيكەسى سىر بەردى. سوسىن اناۋ دا ءتىلى جامان كىسى عوي. ۇرىنعان بولار ءوزى. ولگەن كىسىنى ايتۋعا دا بولمايدى، كۇنا»، – دەيدى كورشىسى گۇلشات جانتاسوۆا.

كورشىلەرىنىڭ ايتۋىنشا، مۇندا مارقۇمنىڭ ءىنىسى وتباسىمەن تۇرىپ كەلگەن. ال اعاسى ارا-تۇرا كەلىپ تۇراتىنىن جەتكىزدى. شارۋا قوجالىعىندا مال باققان. سوڭعى رەت 20-قىركۇيەكتە اۋىلعا كەلىپتى. سودان كەيىن ونى كورمەگەن. كۇدىككە ىلىنگەن تۋعان ءىنىسى بۇرىن پوليتسيادا ەڭبەك ەتكەن. قازىر زەينەت دەمالىسىندا ەكەن.

«وتە جاقسى ادام. وتستاۆكامەن پەنسياعا شىققان جىگىت. ول مايورمەن پەنسياعا شىقتى عوي»، – دەيدى كورشىسى اماندىق قاليەۆ.

كەنت اكىمى مارقۇمدى اۋىلدان ونى كوپ كورە بەرمەيتىنىن ايتتى. الەۋمەتتىك جاعدايى تومەن بولسا دا كومەك سۇراپ كەلگەن ەمەس دەپ وتىر.

«ول 65-ءتىڭ ۇستىنە شىعىپ كەتكەن ۇلكەن كىسى عوي. ءبىز دە ول كىسىنى قىردا بولعان سوڭ اۋىلدان كورمەيمىز. ىشىمدىككە جاقىندىعى بولعان، ەستۋىمىز بويىنشا. كوپبالالى اكە. جاعدايى كىشكەنە تومەن»، – دەيدى يندەبور كەنتىنىڭ اكىمى اسحات ايمۇراتوۆ.

قازىر يندەر اۋداندىق پوليتسياسى «كىسى ءولتىرۋ» بابىمەن قىلمىستىق ءىس قوزعاپ، تەرگەۋدى باستاپ كەتتى. مارقۇمنىڭ بالالارى اعاسىنىڭ جاۋاپقا تارتىلۋىنا قارسى.

«جوق. ول كىسى – اعام، انا كىسى  – اكەم. اجال سولاي كەلىپ تۇرسا، وعان كىم قارسى تۇرادى؟ كىم كەدەرگى جاساي الادى. شوك قوي. اۆتوپيلوتپەن كەتكەن عوي ءولتىرىپ العاننان كەيىن. نە ىستەپ، نە قويعانىن بىلمەيدى دا ادام. بىزگە ايتتى، ءسويتىپ قويدىم، ءبۇيتىپ قويدىم دەپ»، – دەيدى مارقۇمنىڭ ۇلى.

«اعاسىن ءولتىرىپ، ءمايىتىن ءۇش اي جاسىردى» دەگەن ىنىسىمەن تىلدەسۋ مۇمكىن بولمادى. قىلمىس بولعان ءۇيدىڭ ەسىگى تارس جابىق.

ۇقساس جاڭالىقتار

Back to top button