ШҚО-да жол қызметінің 34 басшысы жауапқа тартылды

Шығыс Қазақстанда жол қызметінің 34 басшысы әкімшілік жауапкершілікке тартылды, деп хабарлады  turkystan.kz.

«Шығыс Қазақстан облысының Полиция департаменті тұрақты негізде облыс көшелері мен жолдарын жол қозғалысы үшін қауіпсіз жағдайда ұстауға, жүру бөлігін қардан уақтылы тазартуға және мұздан тазарту жұмыстарын бақылап отырады. Биылғы қараша – желтоқсан айларында департаменттің жол қадағалау мамандарымен 200-ден астам тексеру жүргізілді, оның нәтижелері бойынша қысқы ұстау ережелерін орындамаған жол қызметтерінің 34 басшысы әкімшілік жауапкершілікке тартылды», – деп жазылған Полиция департаменті таратқан хабарламада.

Өскемен қаласы бойынша осыған ұқсас ескертулер биылғы 14-15 желтоқсанда қар жауғаннан кейін облыс орталығын санитарлық күтумен және абаттандырумен айналысатын 5 мердігерлік ұйымда анықталды.

«Аталған қызметтердің басшылары да тиісті әкімшілік жазаға тартылды, олардың атына кемшіліктерді жою бойынша тиісті нұсқамалар жіберілді. Жол қозғалысы қауіпсіздігін қамтамасыз ету және апаттылықтың алдын алу бойынша жұмыс тұрақты негізде жүргізіледі және жалғастырылатын болады», – дейді департамент өкілдері.

 

Ұқсас жаңалықтар

Back to top button