Ташкентте жолаушылар автобусы өртеніп кетті

20 желтоқсанда Өзбекстан астанасында жолаушылар автобусы жүріп бара жатып өртенді, деп жазды turkystan.kz.

Төтенше жағдайлар министрлігі баспасөз қызметінің хабарлауынша, 20 желтоқсан күні сағат 07:50-де Үштепа ауданында Фархад көшесімен келе жатқан «Мерседес-Бенц» жолаушылар автобусы өртенген.

Сағат 07:56-да оқиға орнына 2 өрт сөндіру және құтқару тобы келді. Сағат 08:00-де өрт сөндірілді.

Оқиға салдарынан қаза тапқандар мен зардап шеккендер жоқ. Өрттің шығу себебі анықталуда.

Ұқсас жаңалықтар

Back to top button