Ұлттық құраманың екі балуаны спорттық мансабын аяқтады

Еркін күрестен Қазақстан командасының бас бапкері Әсет Серікбаев тәжірибелі балуандар – Дәулет Ниязбеков пен Ғалымжан Өсербаев спорттық мансабын аяқтағанын мәлімдеді, деп жазды turkystan.kz.

«Токио Олимпиадасынан кейін Дәулет Ниязбеков жарақатын емдеуде. Оның жазғы ойындарда жарақатын асқындырып алғанын білесіздер. Бүгінде Дәулетті ұлттық құрамаға жаттықтырушы қызметіне алу туралы ұсыныс жасадық. Ғалымжан Өсербаев «Шаңырақ» спорт мектебінде жас балуандарды жаттықтырып жүр. Ол бапкерлік қызметін бастап кетті», – деді ол.

Бас бапкердің айтуынша, мұндай тәжірибелі балуандар құрамаға қажет.

«Дәулеттің де, Ғалымжанның да жастарға берер тәлім-тәрбиесі мол. Екеуі де әлемдік жарыстарда Қазақстан намысын қорғады. Қазіргі жас балуандар үшін олардың тәжірибесі мен кеңесі аса құнды болмақ. Жарыс қарсаңында салмақты қалай қуу керек, шетелдегі ірі бәсекелерге қалай дайындалу керек, мұның бәрін екеуі де жақсы біледі», – деді Әсет Серікбаев.

Ұқсас жаңалықтар

Back to top button