Жүргізуші куәлігін сатып алмақ болған тұрғын алаяққа алданды

Жүргізуші куәлігін сатып алмақ болған тұрғын алаяққа алданды

Жүргізуші куәлігін сатып алмақ болған тұрғын алаяққа алданды
ашық дереккөзі
Емтихансыз-ақ жүргізуші куәлігіне ие болғысы келген Семей қаласының тұрғыны алаяққа алданып қалды, деп жазды turkystan.kz ШҚО Полиция департаменті баспасөз қызметіне сілтеме жасап. Полиция департаментінің мәліметіне сүйенсек, «102» жедел арнасына 21 жастағы қала тұрғыны хабарласқан. Оның айтуынша, Дулатов көшесінің бойында өзін әңгімеге тартқан бейтаныс жігіт жүргізуші куәлігін жасап бере алатынын айтып, 100 мың теңге сұраған. Бұған сенген азамат алаяққа сұраған ақшасын бере салған.
«Жедел-іздестіру шараларын жүргізген полиция қызметкерлері көп ұзамай күдіктіні ұстады. Ол 22 жастағы жергілікті тұрғын болып шықты. Кінәсін мойындаған ер адам ақшаны өз қажеттіліктеріне жұмсап үлгерген», деп хабарлады ведомство өкілдері.
Қазіргі уақытта аталған факті бойынша Қазақстан Республикасы Қылмыстық Кодексінің 190-бабы 1-бөлігіне сәйкес сотқа дейінгі тергеу амалдары басталды.