Тәуелсіздік есімді жалғыз адам Қарағанды облысында тұрады

Ұлттық статистика бюросының өкілдері елімізде Қазақстан, Егемен, Тәуелсіздік есімді қанша адам барын мәлімдеді, деп хабарлады turkystan.kz. Ұлттық статистика бюросының мәліметінше, елімізде Казахстан, Қазақстан және Казакстан есімді 35 адам бар. Оның 9-ы Ақмола облысында, 8-і Қарағанды облысында, 5-еуі Нұр-Сұлтанда, 3-еуі Қостанай облысында және Шымкент қаласы мен Алматы, Маңғыстау облыстарында 2 адамнан тұрады. Ақтөбе, Атырау, Батыс Қазақстан және Павлодар облыстарында – 1 адамнан. Сондай-ақ Егемен есімді 6 адам бар. Олар Алматы қаласында, Ақтөбе, Алматы, Қарағанды, Түркістан және Шығыс Қазақстан облыстарында 1 адамнан тұрады. Тәуелсіздік есімді бір адам бар, ол – Қарағанды облысының тұрғыны. Елбасы есімді - 65, ал Қасым-Жомарт есімді 2 адам бар.