Әкім мен депутат мәселелерін рингте шешті (ВИДЕО)

Бразилияда Борба қаласының әкімі Симау Пейшото өзінің бұрынғы кеңесшісі, ал қазіргі таңда парламент депутаты Эринеу да Силваны жекпе-жекке шақырды, деп жазды turkystan.kz The Guardian-ға сілтеме жасап. Екі шенеунік әлеуметтік желіде қалалық саябаққа қатысты жанжалдасып қалған. Депутат шаһар басшысын өзен бойындағы саябақты сақтай алмағаны үшін сынға алыпты. Бұған жауап ретінде Симау Пейшото оны сабауға дайын екенін көрсеткен видео жариялайды. Осылайша, екі шенеунік аралас жекпе-жек ережесі бойынша төбелесетін болып шешеді. Жергілікті мектептің спорт залында өткен жекпе-жек тікелей эфирде көрсетілген. Билет бағасы 17 долларды құрағанымен көрермендер залға лық толған.

Prefeito leva briga política para luta de MMA e apanha de ex-vereador

Políticos do AM subiram no ringue na madrugada deste domingo (12/12). O prefeito de Borba, Simão Peixoto, apanhou, mas foi apontado vencedor Leia: https://t.co/o3aVNtPCuc pic.twitter.com/VsgCbn6pdm — Metrópoles (@Metropoles) December 13, 2021

13 минутқа созылған үш раунд қорытындысы бойынша қала әкімі ұпай санымен жеңді. Жекпе-жектен кейін прокуратура дуэльдің мемлекеттік бюджеттен алынған ақша есебінен жүргізілгенін анықтау үшін тергеу шарасын бастады. Бес күн ішінде Пейшото жекпе-жектің қандай қаржыға ұйымдастырылғанын және көрермендердің билеттерін сатудан түскен қаражаттың қайда жұмсалғанын хабарлауы керек.