Атақты футболшы ауруханаға түсті

Аты аңызға айналған бразилиялық футболшы Пеле тағы ауруханаға түсті, деп хабарлады turkystan.kz. Пеле Сан-Паулу қаласындағы Альберт Эйнштейн ауруханасына жеткізілген. Әлемдік бұқаралық ақпарат құралдары оның жағдайы бірқалыпты деген ақпарат таратып жатыр. Бірер күнде үйіне шығуы мүмкін. 80 жастағы футболшы қыркүйек айында ғана ауруханаға жатып шыққан. Сол кезде дәрігерлер оның тоқішегіндегі ісікті алып тастаған. Айта кетейік, Пеле (Эдсон Арантис ду Насименту) Бразилияның құрамында әлем чемпионатын үш рет жеңген.