Адам саудасымен айналысқан шетел азаматы Нұр-Сұлтанда ұсталды, деп хабарлайды turkystan.kz Нұр-Cұлтан қаласы ПД баспасөз қызметіне сілтеме жасап.
Елордалық полицейлер "Stop-трафик" жедел алдын алу шарасы аясында Адам саудасы үшін іздеуде жүрген Өзбекстан азаматын ұстаған.
Ұсталған азамат 2014 жылы Өзбекстаннан Қазақстан аумағына 6 азаматты алып шығып, жалақысы жоғары жұмысқа тұрғызуға уәде берген.
Алматыға келген соң отандастарынан төлқұжатын алып, басқа адамға берген. 7 ай ішінде өзбекстандықта олар адам төзгісіз қиын жағдайда жұмыс істеуге мәжбүр болған.
Ер адам қамауға алынды, қазір оны Өзбекстанға экстрадициялау мәселесі шешіліп жатыр. Нұр-Сұлтан ПД адам саудасына байланысты қылмыстардың алдын алу, анықтау және ашу мақсатында 22 қараша мен 1 желтоқсан аралығында "Stop-трафик" жедел алдын алу іс-шарасы өтіп жатқанын атап өтті.
