Жаңалықтар

«Перзентханаға тастап кеткен»: америкалық отбасы асырап алған жігіт Қазақстандағы әке-шешесін іздейді

Америкалық отбасы асырап алған жігіт Қазақстанда қалған әке-шешесіне іздеу салды, – деп жазды ҚазАқпарат.

«Менің бауырымды да Қазақстаннан асырап алған және ол өзінің биологиялық әке-шешесін іздейді. Өкінішке орай оның құжаттарында биологиялық әкесі көрсетілмеген. Бірақ, шыққан тегіне жүргізілген тесттен оның қазақ екенін білеміз. Бауырымның туғанда берілген аты-жөні – Андрей Шаталин. Биологиялық анасының аты-жөні Шаталина Наталья Алексеевна. Ол орыс болуы мүмкін. Шамамен 1973 жылы дүниеге келген және оны дүниеге әкелгенде 28 жаста болған. Бауырым 2002 жылдың 13-19 қазаны аралығында дүниеге келген», – деп жазды Facebook-тегі Kazakh American Association парақшасында Елизабет Азиз.

Елизабеттің айтуынша, құжаттарға сәйкес, Андрейдің туған анасының тағы бір баласы болуы мүмкін.

«Бауырым Қазақстан, Астана қаласындағы Манас көшесі 8 мекенжайда дүниеге келді. Ол жерде қазір аурухана әлі барма білмеймін. Оны перзентханаға тастап кеткен. Содан кейін Астанадаға мамандандырылған балалар үйіне орналастырған. Қолымызда бар ақпарат осы ғана», – деп жазды ол.

Back to top button