«Бір терезе» қағидаты: мемлекеттік қызмет көрсету деңгейі 96 пайызға жетті

«Nur Otan» партиясы Саяси кеңесінің кеңейтілген отырысында Үкімет басшысы Асқар Мамин партияның «Өзгерістер жолы: Әр азаматқа лайықты өмір!» атты сайлауалды бағдарламасының орындалу барысы туралы айтты.  Бағдарламаның «Есеп беретін мемлекет және жауапты азаматтар« бағыты бойынша 38 іс-шара орындалды. Атап айтқанда, «Е-өтініш» ақпараттық жүйесі іске қосылды. «Бір терезе» қағидаты бойынша мемлекеттік қызмет көрсету деңгейі 96 пайызға жетті (2020 жылы – 90%). 49 мың ерікті волонтерлік қызметке тартылды. Сондай-ақ, азаматтардың заңды құқықтарын қорғауға және халықтың құқықтық сауаттылығын арттыруға бағытталған Құқықтық саясат тұжырымдамасы қабылданды.