Жаңалықтар

Қазақстанға Pfizer вакцинасының жаңа партиясы жеткізілді

18 қарашада Алматыға Pfizer (Comirnaty) компаниясы шығарған COVID-19-ға қарсы вакцинаның кезекті партиясы келді. Жүк құрамына 266 760 доза кірді. Pfizer компаниясымен жүргізілген келіссөздердің қорытындысы бойынша Бірыңғай дистрибьютор барлығы 4 млн 230 мың доза сатып алды. Бұл туралы ҚазАқпарат агенттігі жазды.

Қабынуға қарсы препаратты американдық Pfizer компаниясы және Германияның BioNTech технологиялық компаниясы шығарған. Comirnaty Pfizer/BioNTech вакцинасын ДДҰ-ы шұғыл пайдалануға рұқсат етілген. Келген вакцина ҚР ДСМ СЭБК-нің рұқсаттамасына сәйкес жедел түрде еліміздің өңірлеріне жіберілді. Comirnaty вакцинасын жеткізу тікелей облыстық Денсаулық сақтау басқармаларының қоймаларына жүзеге асырылады. Вакциналарды тасымалдау «суық тізбек» қағидаты бойынша жүргізіледі — әрбір кезеңде температуралық режимді қатаң сақтау қамтамасыз етіледі.

Сонымен қатар, әр деңгейде өзінің жауапты ұйымы және жауапты тұлғалары бар. Вакцина логистикасының операторы – Comirnaty вакцинасын тасымалдауға мамандандырылған Pfizer компаниясының серіктесі болып табылатын UPS халықаралық логистикалық компаниясы. UPS компаниясы вакциналарды ультра төмен температуралық режимді қолдайтын «Pfizer» компаниясының «Softbox» арнайы тасымалдау контейнерлерінде тасымалдайды. Pfizer тиімді тасымалдау, сақтау және температураны бақылау үшін толық логистикалық жоспарлар мен құралдарды жасады. Суық тізбекті сақтай отырып, вакцинаны сақтау және тасымалдау туралы нақты нұсқаулар бар. Вакцинаны сақтау жөніндегі нұсқауларды нақты орындау және жағымсыз салдардың алдын алу үшін Comirnaty вакцинасын жеткізуге және қолдануға дайындық шаралары жүргізілді. Еліміздің бас санитарлық дәрігері халықты коронавирустық инфекцияға қарсы Comirnaty вакцинасымен вакцинациялау бойынша әдістемелік ұсынымдарды бекітті. Comirnaty препаратымен вакцинация жүргізілетін барлық медициналық ұйымдар дайындық жүргізді. Өндіруші ұсынған суық тізбекке қойылатын талаптарға сәйкес ультра төмен температура -60 -90 Со режимінде сақтауға арналған мұздатқыш жабдықтар сатып алынды. Сондай-ақ, вакцинаны енгізу және сұйылту үшін қажетті шприцтер қоры сатып алынды.

Pfizer компаниясы вакцинацияға қатысатын тиісті қызметкерлерді вакцинамен дұрыс, қауіпсіз және тиімді жұмыс істеуге және оны қолдануға үйретті. Pfizer фармацевтикалық компаниясының Қазақстандағы өкілдігі Comirnaty вакцинасы туралы қазақ және орыс тілдеріндегі мамандандырылған нұсқаулық-сайт іске қосты. Сайтта вакцина, оны қолдану және сақтау әдістері, клиникалық зерттеулердің нәтижелері туралы барлық ақпарат бар. Бірыңғай дистрибьютор «СК-Фармация» ЖШС-і үшін дәрі – дәрмектерді сатып алу және дистрибьюциялау кезінде басымдық бұл – сапасы мен қауіпсіздігі, сондай-ақ вакциналарды сақтау және тасымалдау кезінде температуралық режимді сақтау.

Back to top button