Алматы облыстық полиция департаменті Қаскелеңде оқушыға тап берген ер адамға қатысты түсініктеме берді, деп хабарлайды turkystan.kz.
Алматы облыстық полиция департаментінің баспасөз қызметі хабарлағандай, оқиға 16 қараша күні сағат 13:00-де Қаскелең қаласында Қарасай батыр көшесі бойында болған.
Полицияға 35-40 жастағы белгісіз ер адам 12 жастағы қызға тап бергені туралы шағым келіп түскен.
Аталған факті бойынша Қарасай аудандық ПБ-не 39 жастағы азамат жеткізілді, тергеу амалдары жүргізіліп жатыр.
"Сонымен қатар, Өзбекстан Республикасының азаматы ӘҚБтК-нің 517 - бабының 4-бөлігін бұзғаны үшін әкімшілік сотпен 30 тәулікке қамауға алынып, УП-ның қабылдау-тарату орнында жатыр", - деп толықтырды полиция.