Ресей азаматы 6 жыл бойы Қазақстаннан заңсыз зейнетақы алып келген

Ресей азаматы 6 жыл бойы Қазақстаннан заңсыз зейнетақы алып келген

Ресей азаматы 6 жыл бойы Қазақстаннан заңсыз зейнетақы алып келген
ашық дереккөзі
Шығыс Қазақстан облысы Шемонаиха ауданында 6 жыл бойы заңсыз зейнетақы алып келген ресейлік азамат анықталды. ШҚО полиция департаментінің мәліметінше, көші-қон қызметінің мамандары зейнетақы төлеу жөніндегі мемлекеттік орталықпен салыстырып-тексеру жүргізу кезінде Шемонаиха ауылы тұрғынының Ресей Федерациясының азаматтығын алғанын анықтады. Белгілі болғандай, ер адам 2005 жылы РФ Алтай аймағында сол елдің азаматтығын қабылдаған. Алайда ол туралы ҚР Ішкі істер органдарына хабарламады. Осылайша ол Ресей азаматы бола отырып, 6 жыл бойы Қазақстан аумағында зейнетақы жасына жеткеннен кейін ай сайын зейнетақы алып келген. «Оған ҚР құжаттарын пайдаланғаны үшін ӘҚБтК-нің 496-бабы бойынша 100 АЕК көлемінде айыппұл салынды. Қазіргі уақытта қазақстандық құжаттары тәркіленген ер адам ел азаматтығынан айырылды», - деді облыстық ПД бастығы Сағат Мәдиев.