Жаңалықтар

ШҚО әкімі Даниал Ахметов кәсіпкерлерді сотқа берді

ШҚО әкімі Даниал Ахметов кәсіпкерлерді сотқа берді. Алдын ала сот отырысы 18 қарашаға белгіленген. Аймақ басшысынан кәсіпкерлерге ар-намысын, қадір-қасиетін және іскерлік беделін қорғау туралы екі талап арыз келіп түсті, деп хабарлайды inbusiness.kz.

Талап арыздың бірі бизнесмен Болат Багадаевқа («ГРК Топаз» ЖШС басшысы) берілді. Екіншісі – шығысқазақстандық 22 кәсіпкерге, оның ішінде Серікжан Айкельев (Semey Bus ЖШС тең құрылтайшысы болған), Рафаиль Хазипов (Семейдегі ҚТҚ полигонының жалғыз иесі, қалалық мәслихат депутаты), Бауыржан Қайрамбаев («Гордорстрой» ЖШС директоры), Қайрат Смағұлов (жеке кәсіпкер, қалалық мәслихат депутаты), Александр Федосов («ДСУ 14″ЖШС директоры). Бұл тізімде қоғам қайраткері Николай Исаев та бар. Болат Багадаевқа қарсы сот ісі неге бөлек берілгені әзірге түсініксіз.

«Татуластыру рәсімі талапкердің бас тартуына байланысты болған жоқ», – делінген Сот құжатында.

Бүгін тараптар іс бойынша дайындық жүргізу үшін сотқа шақырылды. Алдын ала сот отырысын 18 қарашада өткізу жоспарланып отыр.

Back to top button