Жаңалықтар

ДДСҰ басшысы әлемдегі пандемияның аяқталмау себебін атады

Әлемде COVID-19 вирусын жұқтыру және өлім саны соңғы екі айда алғаш рет тағы артып, пандемияның аяқталудан алыс екенін көрсетіп отыр. Бұл туралы Женевада өткен брифинг кезінде Дүниежүзілік денсаулық сақтау ұйымының басшысы Тедрос Аданом Гебрейесус айтты.

ҚазАқпараттың Euronews-ке сілтеме жасап жазуынша, пандемияның беті қайтпауына негізінен онымен күрес құралдарына қолжетімділік әркелкі болғаны себепші болып отыр. Бұл мұқтаждық үшін ДДСҰ-ға 23 млрд доллардан астам қаражат қажет.

«Бүгінде COVID-19 вирусымен күрес жүргізуді жоспарлау үшін жаңа бюджетті жариялап отырмыз. Елдерге вируспен күрес жүргізу жолында үлкен мақсаттарға қол жеткізіп, қажетті құралдар ұсыну үшін алдағы 12 айда 23,4 миллиард доллар қаражат керек. Бұл бастаманы толық қаржыландыру – ДДСҰ стратегиясының, даярлық және елеу жоспарының, пандемияны бақылауға алу бойынша бәрін қамтитын жоспарымыздың маңызды бөлігі», – деп атап өтті Т.Гебрейесус.

Back to top button