Ауа райы: 5 өңірде ескерту жарияланды
Ауа райы: 5 өңірде ескерту жарияланды
«Қазгидромет» РМК 28 қазан күні ауа райының бұзылуына байланысты бірнеше өңірде ескерту жариялады, деп хабарлайды ҚазАқпарат.
Күндіз Қостанай облысының солтүстігінде, батысында жел соғады, күші 15-20 м/с. Түнде және таңертең Ақтөбе облысының орталығында тұман күтіледі.
Таңертең және күндіз Ақмола облысының солтүстігі мен батысында оңтүстік-батыстан жел соғады, екпіні 15-20 м/с.
Түнде 28-29 қазанда Қарағанды облысының орталығында, шығысында тұман болжанады.
Түнде Павлодар облысының оңтүстігінде тұман болады.
Күндіз облыстың солтүстік-батысында жел соғып, жылдамдығы 15-20 м/с болады.