Елімізде 8,2 миллионнан астам адам вакцина салдырды – ДСМ

Денсаулық сақтау министрлігінің 27 қазандағы мәліметі бойынша, Қазақстанда коронавирусқа қарсы вакцинаның I компонентін 8 212 313 адам вакцина салдырды, II компонентін 7 393 113 адам алды. Вакцина салдырғандар саны бойынша Алматы қаласы алдыңғы орында, қалада 989 921 тұрғын вакцинаның бірінші компонентін, 931 567 адам екінші компонентін салдырған. Екпе алудан екінші орында - Түркістан облысы. Өңірде 963 899 адам коронавирус вакцинасының 1-компонентін, 870 789 адам 2-компонентін егілген. Үшінші орында Шығыс Қазақстан облысы – 860 074 адам екпенің бірінші бөлігін алса, 757 733 адам екінші бөлігін қабылдаған.