Жаңалықтар

Жемқорлық: Денсаулық сақтау басқармасының басшысына қатысты сот шешімі шықты

Петропавл қалалық сотында СҚО Денсаулық сақтау басқармасының басшысы Қабдрахман Сақтағановтың ісі бойынша сот отырысы өтті. Ол пара алды деген күдікке ілінген болатын, – деп жазды Tengrinews.kz.

Өңірлік денсаулық сақтау басқармасының лауазымды тұлғасы ҚР Қылмыстық кодексінің 366-бабы 2-бөлігі («Аса ірі мөлшерде пара алу») бойынша жазаға тартылған. Жекеменшік медицина мекемелерінің бірінің директоры Айнагүл Қарабаева да пара бергені үшін айыпталған.

6d2ab999e4a88369aac0c65a8d669902

Сот отырысында айтылған мәлімет бойынша, үш жас маман жекеменшік емханаға бөлінген. Алайда мәслихат шешімі бойынша оларға қосымша жәрдемақы бөлуден бас тартылған. Мекеме директоры бұл мәселені қайта қарауға Денсаулық сақтау басқармасының басшылығы көмектесе алатынын білген.

Айыптаушы тараптың айтуынша, сол кезде А.Қарабаева облыстық Денсаулық сақтау басқармасының басшысына 200 мың теңге көлемінде пара беруді көздеген, бірақ ол пара мөлшерін талқыламаған.

«23 қыркүйекте сағат 16:30-да «Денсаулық» КММ директоры А.Қарабаева пара беруді көздеп, Қ.Сақтағановтың кабинетіне келген. Ол Қ.Сақтағановтың жұмыс папкасына 200 мың теңге мөлшерінде ақша салып, конверт берген», – деді мемлекеттік айыптаушы Асылбек Қоңыратов.

fd40aa52c8419cdac9d6fe5b5fff5fa8

Прокурордың айтуынша, Қарабаева кеткеннен кейін Денсаулық сақтау басқармасының басшысы Қабдрахман Сақтағанов конвертті ашып, ақшаны санаған.

«Жеке пайда табу ниетімен Сақтағанов 200 мың теңгені алып қалған. Артынша, облыстың сыбайлас жемқорлыққа қарсы қызметі бұл соманы тәркіледі», – деді А.Қоңыратов.

Қылмыстық іс бойынша кінәні мойындау туралы келісім түрінде процессуалдық келісім жасалған. Екі айыпталушы да бәрін мойындап, жасаған әрекетіне өкінетінін айтқан.

Осы мән-жайды ескере отырып, сот шешімі мынадай болды: Қабдрахман Сақтағановтан 6 миллион теңгеге жуық айыппұл төлеуді талап етті. Айнагүл Қарабаев пара бергені үшін төрт миллион теңге төлеуге міндеттелді.

Back to top button