Жаңалықтар

Еліміздің 7 өңірінде ауа райына байланысты ескерту жарияланды – Қазгидромет

«Қазгидромет» РМК синоптиктері еліміздің бірқатар өңірінде ескерту жариялады. 

21 қазанда күндіз Солтүстік Қазақстан облысының басым бөлігінде жаңбыр, қар жауады. Облыстың солтүстігінде, батысында көктайғақ болады, жаяу бұрқасын соғады. Оңтүстік-батыстан, батыстан соққан жел түнде облыстың батысында, күндіз басым бөлігінде 15-20 м/с күшейеді.

Ертең күндіз Петропавлда жаңбыр, қар жауады, көктайғақ болады, оңтүстік-батыстан, батыстан жел соғады, күші 15-20 м/с жетеді.

21 қазанда түстен кейін Түркістан облысының таулы аудандарда қатты жаңбыр жауады. Оңтүстік-батыстан солтүстік-батысқа ауысатын жел соғады, түнде таулы аудандарда күші 15-20 м/с, күндіз 15-20, таулы аудандарда екпіні 23 м/с жетеді.

Ертең түстен кейін Шымкентте қатты жаңбыр жауады. Оңтүстік-батыстан солтүстік-батысқа ауысатын жел соғады, күндіз екпіні 15- 20 м/с жетеді.

Ертең күндіз Түркістан қаласында оңтүстік-батыстан солтүстік-батысқа ауысатын жел соғады, күндіз екпіні 15-20 м/с жетеді.

21 қазанда Қарағанды облысының солтүстігінде, батысында тұман түсуі мүмкін. Жел оңтүстік-батыстан соғады, күндіз облыстың батысында, оңтүстігінде, орталығында екпіні 15-20 м/с жетеді.

21 қазанда таңертең және күндіз Қызылорда облысының солтүстігінде және орталығында солтүстік-батыстан, батыстан жел соғады, күші 15-20 м/с жетіп шаңды дауылға ұласады.

21 қазанда түстен кейін Ақмола облысының солтүстік-батысында көктайғақ болады, жаяу бұрқасын соғуы мүмкн. Оңтүстік-батыстан соғатын жел солтүстік батысқа ауысады облыстың солтүстік-батысында күші 15-20 м/с жетеді.

21 қазан Батыс Қазақстан облысының солтүстігінде тұман түседі, түнде облыстың шығысында көктайғақ болуы мүмкін. Жел солтүстік-батыстан оңтүстік-батысқа ауысады, күндіз облыстың батысында, солтүстігінде желдің екпіні 15-20 м/с жетеді

Cондай-ақ Алматы қалалық төтенше жағдайлар департаменті 22 қазан күні Алматы тауларында күндiз жаңбыр және қар жауып, найзағай ойнайтынын хабарлап, ескерту жариялады. Тұман түсіп, көктайғақ болады. Солтүстiк-батыстан жел соғып, оның екпiнi ceкундына 15-20 метрге жетпек.

Осыған байланысты ТЖД мынадай қауіпсіздік шараларын сақтауды ұсынады:

  • Таулы аймаққа баруды кейінге қалдырған дұрыс. Егер кішігірім топырақ көшкіндерін байқасаңыз, тауға бармағаныңыз жөн. Қарқынды жауын-шашын түскен жағдайда төмен таулы аймақта топырақ көшкіні болуы мүмкін;
  • Егер тауда болсаңыз, мұқият болыңыз және ауа райының өзгеруін қадағалаңыз;
  • Егер тау бөктерінде қардың жылжуын, қар түйіршіктерін байқасаңыз, онда тауға бармағаныңыз жөн. Бұл қардың тұрақсыз күйде екенін, көшкіннің қауіпі мүмкін екенін білдіреді;
  • Үйге ертерек қайтуға тырысыңыз, кері бағытты таба алмауыңыз мүмкін.

Рюкзактарда мыналар болуы тиіс: жылы киім, күтпеген жағдайда дәрігер келгенге дейін көмек көрсетуге арналған дәрі қобдишасы, GPS навигаторларының болуы артық болмайды.

Ешбір жағдайда тауға жалғыз бармаңыз. Туған-туыстарыңыз бен жақындарыңызды маршрутыңыздың бағыты және орналасқан жеріңізді барынша толық хабардар ету өте маңызды.

Автокөлік жүргізушілері, сақтық шараларын сақтаңыз!

 

Back to top button