Жаңалықтар

Коронавирус: БҚО-дағы шекарада карантин талаптары күшейтілді

Ресейде коронавирустың өршуіне байланысты Батыс Қазақстан облысындағы шекарада санитарлық-карантиндік талаптар күшейтілді.

БҚО санитарлық-эпидемиологиялық бақылау департаментінің басшысы Мұхамғали Арыспаев айтуынша, соңғы тәулікте Ресейдің 85 өңірінде 34 325 науқас тіркелген. Соның ішінде Батыс Қазақстанмен шектесетін Самара облысында – 915, Волгоградта – 382, Орынборда – 399, Саратовта 408 адамнан коронавирус анықталды.

«Күні бүгін індетке тосқауыл қою мақсатында шекарадағы 4 карантиндік-санитарлық бекетте 12 эпидемиолог тәулік бойы жұмыс істеуде», – деді М.Арыспаев.

Оның сөзінше, 1 қазаннан бері анықтамасыз өткен 673 жолаушының біреуінен індет табылды. Халықаралық жүк тасымалымен айналысатын 1 946 жүргізуші анықтамасыз өткен. Соның екеуі коронавирус жұқтырған болып шықты.

Back to top button