«MadMEN» тобының мүшелеріне қатысты сот аяқталуға жақын – ІІМ

ІІМ Есірткі қылмысына қарсы іс-қимыл департаментінің басшысы, полиция полковнигі Ерлан Омарбеков «MadMEN» музыкалық тобының мүшелеріне қатысты қылмыстық іс аяқталу сатысында екенін айтты.

«Бүгінде «MadMEN» музыкалық тобының директоры Р.И.Хванның жетекшілігімен 8 қатысушыдан тұратын қылмыстық топ құру арқылы синтетикалық есірткіні таратуға қатысты атышулы факті бойынша қылмыстық іс аяқталу сатысында. Биыл қаңтар-сәуір айларында жүргізілген жұмыстың нәтижесінде айыптылардан 1,3 келіден астам «мефедрон» синтетикалық есірткі тәркіленді», – деді Ерлан Омарбеков.

Еске сала кетсек, биыл аталған музыкалық тобының мүшелеріне ұйымдасқан қылмыстық топ құру және оған қатысу айыптары тағылды.

Қылмыстық топты құрықтаған Алматы полициясы оның құрамында 21 жастан 30 жасқа дейінгі 10 адамның барын айтқан еді.

Back to top button