Семей әкімі мемлекеттік бағдарлама бойынша салынып жатқан үйлерді сынға алды, деп хабарлайды arnapress.kz.
Әкім мемлекеттік бағдарламалар бойынша жаңа үйлерді жеке тексеру үшін Комсомольский және Ушактар ауылдарына барды. Бірақ мұнда салынып жатқан үйлер әкімге ұнай қоймаған.
– Бұл үйлерді кім алуы мүмкін? Сіз оларды немен қызықтырасыз? Үйлердің қорадан еш айырмашылығы жоқ, – деді Байахметов.
Ол барлық құрылысты шұғыл түрде ретке келтіру керек екенін айтты. Осының бәріне әкім мердігерлерге бір апта мерзім берді. Қала басшысы сондай-ақ іргелес жолдарды абаттандыруды, көшелерге жарық орнатуды, жақын маңдағы зиратты қоршауды және т.б. тапсырды.
Екі ауылда «кредиттік тұрғын үй» мемлекеттік бағдарламасы бойынша барлығы 119 үй салынады. Оның ішінде 21 құрылыс аяқталды. Тағы 35 үйді осы жылы пайдалануға беру жоспарланып отыр.
