Нұр-Сұлтанда сауда орталығы өртеніп жатыр

Нұр-Сұлтанда сауда орталығы өртеніп жатыр

Нұр-Сұлтанда сауда орталығы өртеніп жатыр
ашық дереккөзі
Нұр-Сұлтан қаласындағы«Астықжан» сауда орталығының жиһаз салонынан өрт шықты. Бұл туралы Нұр-Сұлтан қаласы төтенше жағдайлар департаментінің баспасөз қызметі хабарлады. Алдын ала ақпарат бойынша бүгін сағат 09: 42-де Нұр-Сұлтан қаласы төтенше жағдайлар департаментінің өрт сөндіру бөлімшелері Әл-фараби даңғылы, 28 мекен-жайы бойынша өрт туралы келіп түскен хабарламаға шұғыл аттанған. «Өрт сөндірушілер шақыру орнына 6 минуттың ішінде келді. Олар жеткенде «Астықжан» сауда орталығының 3-қабаттындағы жиһаз салоны жанып жатқан. Алдын ала ақпарат бойынша зардап шеккендер мен қаза тапқандар жоқ. Қазір елордалық 76 өрт сөндіруші мен 19 бірлік техника жұмылдырылды. Өрт сөндіру орнында өрт сөндіру штабы ұйымдастырылды», - деп жазылған департаменттің дерегінде.