Jañalıqtar

Täuelsizdiktiñ 30 jılına arnalğan şekaraşılar arasında estafeta bastaldı

Qazaqstan Respublikası Täuelsizdiginiñ 30 jıldığı men Şekara akademiyasınıñ 90 jıldıq mereytoyına oray Memlekettik şekara boyındağı estafetanıñ bastaluına arnalğan saltanattı räsim bolıp ötti. Oğan akademiyanıñ basşıları men jeke qwramı qatıstı.

Alğaş bolıp söz kezegin alğan akademiya bastığı polkovnik P.Polivanov jeke qwramdı şın jürekten qwttıqtap, olardıñ aldağı qızmetine sättilik tiledi.

Şara barısında «Akademiyağa  – 90 jıl!» mereytoylıq simvolı men akademiya tülekteriniñ qwttıqtau jazbaların jüzege asıru üşin estafeta kitabın akademiya wjımı QR WQK Şekara qızmetiniñ Almatı oblıstıq departamentine qarastı Qarasay şekara basqarmasınıñ estafetalıq tobına saltanattı türde tapsırdı. Qarasaylıq şekaraşılar ğasırğa juıq tarihı bar oqu ordasınıñ mereytoylıq simvolı men qwttıqtau kitabın äskeri bölimniñ dañqtı jürip ötken jolınıñ jauıngerlik belgisi dep qabıldadı. Endi odan äri estafetalıq simvol men qwttıqtau kitabı bir ayğa juıq elimizdiñ memlekettik şekara sızığınıñ endikteri boyınşa ondağı ornalasqan şekara bölimşelerine jetkiziledi. Ondağı Şekara qızmetiniñ qwramalarımen bölimderinde tiisti is-şaralar ötkizilip estafeta odan äri öz jalğasın tabadı. Osılayşa, şekara boyımen qoldan-qolğa auısqan mereytoylıq simvol estafetası  oqu ordasına qayta oralıp, akademiya mwrajayına qoyıladı.

         «Elimizdiñ şekara şebinde osı akademiyanı är jıldarı bitirgen şekaraşı oficerler qızmet atqarıp jür. Olar özderi bilim närimen susındağan  «şekaraşılardıñ qara qazanına aynalğan» oqu ordasın ärqaşanda maqtan twtadı. Bwl ötkizilip otırğan şara akademiya qabırğasınan tülep wşqan ärbir şekaraşınıñ patriottıq sezimin, ruhın oyatuğa bağıttalğan », – deydi bizge bergen swqbatında akademiya bastığınıñ orınbasarı – tärbielik, äleumettik-qwqıqtıq jäne ideologiya jwmıstarı jönindegi basqarma bastığı polkovnik Aydos Aliev.

Back to top button