جاڭالىقتار

تاۋەلسىزدىكتىڭ 30 جىلىنا ارنالعان شەكاراشىلار اراسىندا ەستافەتا باستالدى

قازاقستان رەسپۋبليكاسى تاۋەلسىزدىگىنىڭ 30 جىلدىعى مەن شەكارا اكادەمياسىنىڭ 90 جىلدىق مەرەيتويىنا وراي مەملەكەتتىك شەكارا بويىنداعى ەستافەتانىڭ باستالۋىنا ارنالعان سالتاناتتى ءراسىم بولىپ ءوتتى. وعان اكادەميانىڭ باسشىلارى مەن جەكە قۇرامى قاتىستى.

العاش بولىپ ءسوز كەزەگىن العان اكادەميا باستىعى پولكوۆنيك پ.پوليۆانوۆ جەكە قۇرامدى شىن جۇرەكتەن قۇتتىقتاپ، ولاردىڭ الداعى قىزمەتىنە ساتتىلىك تىلەدى.

شارا بارىسىندا «اكادەمياعا  – 90 جىل!» مەرەيتويلىق سيمۆولى مەن اكادەميا تۇلەكتەرىنىڭ قۇتتىقتاۋ جازبالارىن جۇزەگە اسىرۋ ءۇشىن ەستافەتا كىتابىن اكادەميا ۇجىمى قر ۇقك شەكارا قىزمەتىنىڭ الماتى وبلىستىق دەپارتامەنتىنە قاراستى قاراساي شەكارا باسقارماسىنىڭ ەستافەتالىق توبىنا سالتاناتتى تۇردە تاپسىردى. قاراسايلىق شەكاراشىلار عاسىرعا جۋىق تاريحى بار وقۋ ورداسىنىڭ مەرەيتويلىق سيمۆولى مەن قۇتتىقتاۋ كىتابىن اسكەري ءبولىمنىڭ داڭقتى ءجۇرىپ وتكەن جولىنىڭ جاۋىنگەرلىك بەلگىسى دەپ قابىلدادى. ەندى ودان ءارى ەستافەتالىق سيمۆول مەن قۇتتىقتاۋ كىتابى ءبىر ايعا جۋىق ەلىمىزدىڭ مەملەكەتتىك شەكارا سىزىعىنىڭ ەندىكتەرى بويىنشا ونداعى ورنالاسقان شەكارا بولىمشەلەرىنە جەتكىزىلەدى. ونداعى شەكارا قىزمەتىنىڭ قۇرامالارىمەن بولىمدەرىندە ءتيىستى ءىس-شارالار وتكىزىلىپ ەستافەتا ودان ءارى ءوز جالعاسىن تابادى. وسىلايشا، شەكارا بويىمەن قولدان-قولعا اۋىسقان مەرەيتويلىق سيمۆول ەستافەتاسى  وقۋ ورداسىنا قايتا ورالىپ، اكادەميا مۇراجايىنا قويىلادى.

         «ەلىمىزدىڭ شەكارا شەبىندە وسى اكادەميانى ءار جىلدارى بىتىرگەن شەكاراشى وفيتسەرلەر قىزمەت اتقارىپ ءجۇر. ولار وزدەرى ءبىلىم نارىمەن سۋسىنداعان  «شەكاراشىلاردىڭ قارا قازانىنا اينالعان» وقۋ ورداسىن ارقاشاندا ماقتان تۇتادى. بۇل وتكىزىلىپ وتىرعان شارا اكادەميا قابىرعاسىنان تۇلەپ ۇشقان ءاربىر شەكاراشىنىڭ پاتريوتتىق سەزىمىن، رۋحىن وياتۋعا باعىتتالعان »، – دەيدى بىزگە بەرگەن سۇقباتىندا اكادەميا باستىعىنىڭ ورىنباسارى – تاربيەلىك، الەۋمەتتىك-قۇقىقتىق جانە يدەولوگيا جۇمىستارى جونىندەگى باسقارما باستىعى پولكوۆنيك ايدوس اليەۆ.

Back to top button