Шаруалар шығынға батты: егістік алқабын киіктер таптап тастаған

Егістік алқапты киіктер таптап тастауынан шығынға батқан отандық фермерлердің жанайқайына жауап берілді.

ҚазАқпараттың жазуынша, Орталық коммуникациялар қызметінде өткен брифингте Ауыл шаруашылығы министрлігі өкілдеріне «Біз жуырда Ақмола облысы Егіндікөл ауданындағы ауылға бардық, ол жердегі фермерлер киік, ақбөкендердің егіс алқабын бүлдіргенін айтты. Яғни, дала жануарлары егіс алқабын таптап жатыр екен. Оған өзіміз де куә болдық. Осы орайда фермерлердің шығыны өтеле ме? Бұл мәселені шешу үшін не істеліп жатыр?» деген сауал жолданды.

2 2

«Расында да осындай мәселе бар. Жұмыс бабымен СҚО, Қостанай және Ақмола облысын аралау барысында өзім де көрдім, шаруа иелері де айтып жатты. Проблема бар, біраз зиян келтірген. Бірақ киіктер – Экология министрлігінің құзыретіндегі мәселе. Біз өз кезегімізде аталған министрлікке хат жолдадық, жуырда мәселені екіжақты қарап, шешімі табылады деген ойдамыз», – деп жауап берді ҚР Ауыл шаруашылығы министрінің бірінші орынбасары Айдарбек Сапаров.

Вице-министрдің мәлімдеуінше, әзірге фермерлерге келген шығынды өтеу жағы қарастырылып жатқан жоқ. Бұл мәселе екі министрліктің қатысуымен шешілмек.

Back to top button