__ماڭىزدى

455 ملن تەڭگەنى جىمقىرعان «ماڭعىستاۋمۇنايگاز» قىزمەتكەرلەرى سوتتالدى

«ماڭعىستاۋمۇنايگاز» اق-نىڭ ەكى قىزمەتكەرىنە باس بوستاندىعىنان ايىرۋ جازاسى تاعايىندالدى، دەپ حابارلايدى، inaktau.kz.

ەستەرىڭىزگە سالا كەتەيىك، 13 تامىزدا الەۋمەتتىك جەلىلەردە «ماڭعىستاۋمۇنايناز» اق قۇقىقتىق قامتاماسىز ەتۋ دەپارتامەنتىنىڭ ديرەكتورى د.بەيسەمبيننىڭ جانە ونىڭ ورىنباسارىنىڭ جالعان شارتتار جاساسۋ ارقىلى 455 ميلليون تەڭگە ۇرلادى دەگەن كۇدىكپەن ۇستالعانى تۋرالى دەرەك شىقتى.

سول كەزدە قارجى مونيتورينگى اگەنتتىگى مالىمەتتى راستاعان بولاتىن.

«تەرگەۋ كەزىندە 2017-2018 جىلدارى «ممگ» اق قۇقىقتىق قامتاماسىز ەتۋ دەپارتامەنتىنىڭ ديرەكتورى د.بەيسەمبين مەن ونىڭ ورىنباسارى ا. داۋلەنباەۆا د. ليسوۆپەن جانە ا. يۋندت-پەن جىلجىمايتىن مۇلىك وبەكتىلەرىنە قۇقىق بەلگىلەيتىن قۇجاتتاردى قالپىنا كەلتىرۋ جانە تىركەۋ بويىنشا قىزمەت كورسەتۋ جونىندە جالعان شارتتار جاساعاندىعى انىقتالدى. بۇل رەتتە، اق-نىڭ 700-دەن استام جىلجىمايتىن مۇلىك وبەكتىلەرىنىڭ قۇجاتتارى ماڭعىستاۋ وبلىسىنىڭ مەملەكەتتىك مۇراعاتىندا ساقتالعان جانە قالپىنا كەلتىرۋ قاجەت بولماعان. قۇجاتتاردىڭ كوشىرمەلەرى تەگىن بەرىلەدى»، – دەپ حابارلادى قر افم.

«كىنالى تۇلعالار بەس جىلعا باس بوستاندىعىنان ايىرىلدى»، – دەپ حابارلادى قارجى مونيتورينگى اگەنتتىگى.

Back to top button