جاڭالىقتار

الماتى وبلىسى سارقان اۋدانى اكىمدىگىنىڭ ءبولىم باسشىسى قاماۋعا الىندى

الماتى وبلىسى سارقان اۋداندىق تۇرعىن ءۇي كوممۋنالدىق شارۋاشىلىق ءبولىمىنىڭ باسشىسى ءسابيت عابيتۇلى قاماۋعا الىندى، دەپ حابارلايدى NEGE.KZ.

سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ رەسمي مالىمەتىنشە، مەملەكەتتىڭ 32 ملن تەڭگە اقشاسىن جىمقىردى دەگەن كۇدىكپەن سارقان اۋداندىق تۇرعىن ءۇي كوممۋنالدىق شارۋاشىلىق ءبولىمىنىڭ باسشىسى ءسابيت عابيتۇلى ۇستالعان.

«اتالعان ءبولىمنىڭ باسشىسى مەملەكەتتىك «جۇمىسپەن قامتۋ جول كارتاسى 2020-2021» اياسىندا بولىنگەن قارجىنىنىڭ 32,9 ملن تەڭگەسىن جىمقىردى دەگەن كۇدىكپەن ۇستالدى. ياعني، اتالعان قوماقتى قاراجات سارقان اۋدانىنىڭ باقالى، المالى جانە كوكوزەك اۋىلدارىنداعى سپورتتىق الاڭدارىنا بولىنگەن. قازىر اتالعان ءبولىم باسشىسى ۋاقىتشا ۇستاۋ يزولياتورىنا قامالدى»،- دەپ جازىلعان ۆەدومستۆو حابارلاماسىندا.

Back to top button